ט' באב

פיוטי נחמה שאומרים בסוף תפילת ערבית של ליל תשעה באב ----- התנחמו בגלות בנים יושבים בציון / ארוממכם משפלות אכין עבודת ציון / אבנה נוה אפריון אז תשמח בגילות // עד אנה בכיה בציון מספד בירושלים / תקום תרחם ציון תבנה חומות ירושלים // -----הנה הפיוט הנוסף ---- עורה נא ימינך רמה / ולזעומה קרא נוחמה / וייאמר לדלה עגומה / ענייה סוערה נוחמה // עורה נא חשוף זרועך / וגלה קץ ישעך / וייאמר לשה נאלמה / ענייה סוערה נוחמה // עורה נא ימינך האל / ופדה ברחמים ישראל / וייאמר לעם דל השואל/ ובא לציון גואל // עורה נא ימינך עליון / ובנה ברחמים עיר ציון / וייאמר לעם דל ואביון / כי נחם ה' ציון // כדכתיב: כִּי-נִחַם ה' צִיּוֹן, נִחַם כָּל-חָרְבֹתֶיהָ, וַיָּשֶׂם מִדְבָּרָהּ כְּעֵדֶן, וְעַרְבָתָהּ כְּגַן-ה'; שָׂשׂוֹן וְשִׂמְחָה יִמָּצֵא בָהּ, תּוֹדָה וְקוֹל זִמְרָה // הִתְנַעֲרִי מֵעָפָר קוּמִי שְּׁבִי, יְרוּשָׁלִָם; התפתחו (הִתְפַּתְּחִי) מוֹסְרֵי צַוָּארֵךְ, שְׁבִיָּה בַּת-צִיּוֹן.

זְכַֹר ה' לִיהוּדָה וְאֶפְרַיִם אֲשֶׁר שֻׁפַּךְ דָּמָם כַּמַּיִם / סְבִיבוֹת סְבִיבוֹת יְרוּשָׁלַיִם // זְכֹר ה' לִמְשִׁיחַ הַנִּקְרָא אֲשֶׁר עָשׂוּ אֶת גּוּפוֹ כִּכְבָרָה / וְלֹא נוֹתַר חֵץ אֲשֶׁר בּוֹ לֹא יָרָה לָכֵן עָלָיו אֶבְכֶּה בְּנֶפֶשׁ מָרָה / לְַשֶּׁבֶר זֶה רָפוּ כָל יָדַיִם סְבִיבוֹת סְבִיבוֹת יְרוּשָׁלַיִם // זְכֹר ה' לִשְּׁמוֹנִים אֶלֶף אֲצִילִים אֲשֶׁר בָּרְחוּ וְהָלְכוּ לַיִּשְׁמְעֵאלִים / וְעֵת רָאוּם תָּקְעוּ שָׁם אֹהָלִים עִם מַאֲכָל וּנְפוּחִים הַנְּבָלִים / וּבַצָּמָא הִשְׁקוּם מִבְּלִי מַיִם סְבִיבוֹת סְבִיבוֹת יְרוּשָׁלַיִם // זְכֹר ה' לְאָבוֹת וּפְרָחִים אֲשֶׁר הָרַג רָשָׁע שַׂר טַבָּחִים / בְּדַם כֹּהֵן הַמַּקְרִיב הַזְּבָחִים וְגַם צָדָם כְּצִפֳּרִים אֶל פַּחִים / לְשֶׁבֶר זֶה תִּצַּלְנָה אָזְנַיִם סְבִיבוֹת סְבִיבוֹת יְרוּשָׁלַיִם // זְכֹר ה' לְאַלְמָנָה הַצְּנוּעָה אֲשֶׁר הָרְגוּ אֶת בָּנֶיהָ שִׁבְעָה / בְּנֵי עַוְלָה מַלְכוּת יָוָן הָרְשָׁעָה וְהִיא עַצְמָהּ נָפְלָה וְגַם שָׁקְעָה / וְעַל אֵלֶּה יֶהֱמוּ כָל מֵעַיִם סְבִיבוֹת סְבִיבוֹת יְרוּשָׁלַיִם // זְכֹר ה' לַעֲשָׂרָה הַיְּשִׁישִׁים אֲשֶׁר נָפְלוּ בִּידֵי אֲדוֹנִים קָשִׁים / לַחֶרֶב וּלְלַהֶבֶת אִשִּׁים וְהִפְשִׁיטוּם כְּאֵילִים וּתְיָשִׁים / עַל קְדֻשַּׁת שֵׁם שׁוֹכֵן שָׁמַיִם סְבִיבוֹת סְבִיבוֹת יְרוּשָׁלַיִם

בְּלֵיל זֶה יִבְכָּיוּן וְיֵלִילוּ בָנַי / לֵיל חָרַב בֵּיתִי וְנִשְׂרְפוּ אַרְמוֹנָי // וְכָל בֵּית יִשְׂרָאֵל יֶהְגּוּ בִיגוֹנַי / יִבְכּוּ הַשְּׂרֵפָה אֲשֶׁר שָׂרַף ה' // בְּלֵיל זֶה אֵרְעוּ לִי חֲמִשָּׁה דְבָרִים קָשִׁים / נִגְזַר עַל אָבוֹת וְהָיוּ נֶעֱנָשִׁים // לְבִלְתִּי יִכָּנְסוּ לְתוֹךְ אֶרֶץ קְדוֹשִׁים / וְנֶחֱרַב הַבַּיִת וְגַם חָרְשׁוּ חוֹרְשִׁים // רִאשׁוֹן גַּם שֵׁנִי יְשָׁנִים עִם חֲדָשִׁים / וְגַם נִלְכְּדָה בִיתֵר וְהָיְתָה לְפַח מוֹקְשִׁים // בְּלֵיל זֶה כִּי הֳיְתָה סִבָּה מֵאֵת ה' יִבְכּוּ הַשְּׂרֵפָה אֲשֶׁר שָׂרַף ה' // בְּלֵיל זֶה תְּיֵלִיל מַר עֲנִיָּה נִבְדֶּלֶת / וּמִבֵּית אָבִיהָ כְּהַיּוֹם נֶחְדֶּלֶת // וְעוֹרֶכֶת בָּכוֹת וְקִינִים מְיַלֶּלֶת / כִּי נִשְׂרַף בֵּיתָהּ בְּלַבַּת אוֹכֶלֶת // וְיָצְאָה גַחֶלֶת וְאֵשׁ מֵאֵת ה' / יִבְכּוּ הַשְּׂרֵפָה אֲשֶׁר שָׂרַף ה' // בְּלֵיל זֶה הֶגְלָנִי וְאֶת בֵּיתִי הֶחֱרִיב / בְּתִשְׁעָה לַחֹדֶשׁ בִּשְׁעַת הַמַּעֲרִיב // אֲנִי עַל מִשְׁמַרְתִּי מִשְׁמֶרֶת יְהוֹיָרִיב / וְנִכְנַס הָאוֹיֵב וְאֶת זְבָחָיו הִקְרִיב // וּבָא אֶל מִקְדָּשִׁי וְלֹא צִוָּה ה' // יִבְכּוּ הַשְּׂרֵפָה אֲשֶׁר שָׂרַף ה'

אָז בַּחֲטָאֵינוּ חָרַב מִקְדָּשׁ / וּבַעֲוֹנוֹתֵינוּ נִשְׂרַף הֵיכָל // בְּעִיר שֶׁחֻבְּרָה לָּהּ קָשְׁרוּ מִסְפֵּד / וּצְבָא הַשָּׁמַיִם נָשְׂאוּ קִינָה // גַּם בָּכוּ בְּמֶרֶד שִׁבְטֵי יַעֲקֹב / וְאַף מַזָּלוֹת יִזְּלוּ דִמְעָה // דִּגְלֵי יְשֻׁרוּן חָפוּ רֹאשָׁם / כִימָה וּכְסִיל קָדְרוּ פְנֵיהֶם // הֶעְתִּירוּ אָבוֹת וְאֵל כְּלֹא שׁוֹמֵעַ / צָעֲקוּ בָנִים וְלֹא עָנָם אָב // וְקוֹל הַתּוֹרָה צוֹעֵק בְּמָרָה / וְרוֹעֶה נֶאֱמָן לֹא הִטָּה אֹזֶן // זֶרַע קֹדֶשׁ חָגְרוּ שַׂקִּים / וּצְבָא הַשָׁמַיִם שַׂק הוּשַׁת כְּסוּתָם // חָשַׁך הַשֶׁמֶשׁ וְיָרֵחַ קָדַר / וְכוֹכָבִים אָסְפוּ נָגְהָם //

זְכֹר ה' מֶה-הָיָה לָנוּ הביט (הַבִּיטָה) וּרְאֵה אֶת-חֶרְפָּתֵנוּ. ב נַחֲלָתֵנוּ נֶהֶפְכָה לְזָרִים בָּתֵּינוּ לְנָכְרִים. ג יְתוֹמִים הָיִינוּ אין (וְאֵין) אָב אִמֹּתֵינוּ כְּאַלְמָנוֹת. ד מֵימֵינוּ בְּכֶסֶף שָׁתִינוּ עֵצֵינוּ בִּמְחִיר יָבֹאוּ. ה עַל צַוָּארֵנוּ נִרְדָּפְנוּ יָגַעְנוּ לא (וְלֹא) הוּנַח-לָנוּ. ו מִצְרַיִם נָתַנּוּ יָד אַשּׁוּר לִשְׂבֹּעַ לָחֶם. ז אֲבֹתֵינוּ חָטְאוּ אינם (וְאֵינָם) אנחנו (וַאֲנַחְנוּ) עֲוֹנֹתֵיהֶם סָבָלְנוּ. ח עֲבָדִים מָשְׁלוּ בָנוּ פֹּרֵק אֵין מִיָּדָם. ט בְּנַפְשֵׁנוּ נָבִיא לַחְמֵנוּ מִפְּנֵי חֶרֶב הַמִּדְבָּר. י עוֹרֵנוּ כְּתַנּוּר נִכְמָרוּ מִפְּנֵי זַלְעֲפוֹת רָעָב. יא נָשִׁים בְּצִיּוֹן עִנּוּ בְּתֻלֹת בְּעָרֵי יְהוּדָה. יב שָׂרִים בְּיָדָם נִתְלוּ פְּנֵי זְקֵנִים לֹא נֶהְדָּרוּ. יג בַּחוּרִים טְחוֹן נָשָׂאוּ וּנְעָרִים בָּעֵץ כָּשָׁלוּ. יד זְקֵנִים מִשַּׁעַר שָׁבָתוּ בַּחוּרִים מִנְּגִינָתָם. טו שָׁבַת מְשׂוֹשׂ לִבֵּנוּ נֶהְפַּךְ לְאֵבֶל מְחֹלֵנוּ. טז נָפְלָה עֲטֶרֶת רֹאשֵׁנוּ אוֹי-נָא לָנוּ כִּי חָטָאנוּ. יז עַל-זֶה הָיָה דָוֶה לִבֵּנוּ עַל-אֵלֶּה חָשְׁכוּ עֵינֵינוּ. יח עַל הַר-צִיּוֹן שֶׁשָּׁמֵם שׁוּעָלִים הִלְּכוּ-בוֹ. {פ}יט אַתָּה ה' לְעוֹלָם תֵּשֵׁב כִּסְאֲךָ לְדוֹר וָדוֹר. כ לָמָּה לָנֶצַח תִּשְׁכָּחֵנוּ תַּעַזְבֵנוּ לְאֹרֶךְ יָמִים. כא הֲשִׁיבֵנוּ ה' אֵלֶיךָ ונשוב (וְנָשׁוּבָה) חַדֵּשׁ יָמֵינוּ כְּקֶדֶם. כב כִּי אִם-מָאֹס מְאַסְתָּנוּ קָצַפְתָּ עָלֵינוּ עַד-מְאֹד. הֲשִׁיבֵנוּ ה' אֵלֶיךָ ונשוב (וְנָשׁוּבָה) חַדֵּשׁ יָמֵינוּ כְּקֶדֶם.

אֲנִי הַגֶּבֶר רָאָה עֳנִי בְּשֵׁבֶט עֶבְרָתוֹ. ב אוֹתִי נָהַג וַיֹּלַךְ חֹשֶׁךְ וְלֹא-אוֹר. ג אַךְ בִּי יָשֻׁב יַהֲפֹךְ יָדוֹ כָּל-הַיּוֹם. {ס} ד בִּלָּה בְשָׂרִי וְעוֹרִי שִׁבַּר עַצְמוֹתָי. ה בָּנָה עָלַי וַיַּקַּף רֹאשׁ וּתְלָאָה. ו בְּמַחֲשַׁכִּים הוֹשִׁיבַנִי כְּמֵתֵי עוֹלָם. {ס} ז גָּדַר בַּעֲדִי וְלֹא אֵצֵא הִכְבִּיד נְחָשְׁתִּי. ח גַּם כִּי אֶזְעַק וַאֲשַׁוֵּעַ שָׂתַם תְּפִלָּתִי. ט גָּדַר דְּרָכַי בְּגָזִית נְתִיבֹתַי עִוָּה. {ס} י דֹּב אֹרֵב הוּא לִי אריה (אֲרִי) בְּמִסְתָּרִים. יא דְּרָכַי סוֹרֵר וַיְפַשְּׁחֵנִי שָׂמַנִי שֹׁמֵם. יב דָּרַךְ קַשְׁתּוֹ וַיַּצִּיבֵנִי כַּמַּטָּרָא לַחֵץ. {ס} יג הֵבִיא בְּכִלְיֹתָי בְּנֵי אַשְׁפָּתוֹ. יד הָיִיתִי שְּׂחֹק לְכָל-עַמִּי נְגִינָתָם כָּל-הַיּוֹם. טו הִשְׂבִּיעַנִי בַמְּרוֹרִים הִרְוַנִי לַעֲנָה. {ס} טז וַיַּגְרֵס בֶּחָצָץ שִׁנָּי הִכְפִּישַׁנִי בָּאֵפֶר. יז וַתִּזְנַח מִשָּׁלוֹם נַפְשִׁי נָשִׁיתִי טוֹבָה. יח וָאֹמַר אָבַד נִצְחִי וְתוֹחַלְתִּי מֵה'. {ס} יט זְכָר-עָנְיִי וּמְרוּדִי לַעֲנָה וָרֹאשׁ. כ זָכוֹר תִּזְכּוֹר ותשיח (וְתָשׁוֹחַ) עָלַי נַפְשִׁי. כא זֹאת אָשִׁיב אֶל-לִבִּי עַל-כֵּן אוֹחִיל. {ס} כב חַסְדֵי ה' כִּי לֹא-תָמְנוּ כִּי לֹא-כָלוּ רַחֲמָיו. כג חֲדָשִׁים לַבְּקָרִים רַבָּה אֱמוּנָתֶךָ. כד חֶלְקִי ה' אָמְרָה נַפְשִׁי עַל-כֵּן אוֹחִיל לוֹ. {ס} כה טוֹב ה' לְקֹוָו לְנֶפֶשׁ תִּדְרְשֶׁנּוּ. כו טוֹב וְיָחִיל וְדוּמָם לִתְשׁוּעַת ה'. כז טוֹב לַגֶּבֶר כִּי-יִשָּׂא עֹל בִּנְעוּרָיו. {ס} כח יֵשֵׁב בָּדָד וְיִדֹּם כִּי נָטַל עָלָיו. כט יִתֵּן בֶּעָפָר פִּיהוּ אוּלַי יֵשׁ תִּקְוָה. ל יִתֵּן לְמַכֵּהוּ לֶחִי יִשְׂבַּע בְּחֶרְפָּה. {ס} לא כִּי לֹא יִזְנַח לְעוֹלָם ה'. לב כִּי אִם-הוֹגָה וְרִחַם כְּרֹב חֲסָדָיו. לג כִּי לֹא עִנָּה מִלִּבּוֹ וַיַּגֶּה בְּנֵי-אִישׁ. {ס} לד לְדַכֵּא תַּחַת רַגְלָיו כֹּל אֲסִירֵי אָרֶץ. לה לְהַטּוֹת מִשְׁפַּט-גָּבֶר נֶגֶד פְּנֵי עֶלְיוֹן. לו לְעַוֵּת אָדָם בְּרִיבוֹ ה' לֹא רָאָה. {ס} לז מִי זֶה אָמַר וַתֶּהִי ה' לֹא צִוָּה. לח מִפִּי עֶלְיוֹן לֹא תֵצֵא הָרָעוֹת וְהַטּוֹב. לט מַה-יִּתְאוֹנֵן אָדָם חָי גֶּבֶר עַל-חֲטָאָו. {ס} מ נַחְפְּשָׂה דְרָכֵינוּ וְנַחְקֹרָה וְנָשׁוּבָה עַד-ה'. מא נִשָּׂא לְבָבֵנוּ אֶל-כַּפָּיִם אֶל-אֵל בַּשָּׁמָיִם. מב נַחְנוּ פָשַׁעְנוּ וּמָרִינוּ אַתָּה לֹא סָלָחְתָּ. {ס} מג סַכּוֹתָה בָאַף וַתִּרְדְּפֵנוּ הָרַגְתָּ לֹא חָמָלְתָּ. מד סַכּוֹתָה בֶעָנָן לָךְ מֵעֲבוֹר תְּפִלָּה. מה סְחִי וּמָאוֹס תְּשִׂימֵנוּ בְּקֶרֶב הָעַמִּים. {ס} מו פָּצוּ עָלֵינוּ פִּיהֶם כָּל-אֹיְבֵינוּ. מז פַּחַד וָפַחַת הָיָה לָנוּ הַשֵּׁאת וְהַשָּׁבֶר. מח פַּלְגֵי-מַיִם תֵּרַד עֵינִי עַל-שֶׁבֶר בַּת-עַמִּי. {ס} מט עֵינִי נִגְּרָה וְלֹא תִדְמֶה מֵאֵין הֲפֻגוֹת. נ עַד-יַשְׁקִיף וְיֵרֶא ה' מִשָּׁמָיִם. נא עֵינִי עוֹלְלָה לְנַפְשִׁי מִכֹּל בְּנוֹת עִירִי. {ס} נב צוֹד צָדוּנִי כַּצִּפּוֹר אֹיְבַי חִנָּם. נג צָמְתוּ בַבּוֹר חַיָּי וַיַּדּוּ-אֶבֶן בִּי. נד צָפוּ-מַיִם עַל-רֹאשִׁי אָמַרְתִּי נִגְזָרְתִּי. {ס} נה קָרָאתִי שִׁמְךָ ה' מִבּוֹר תַּחְתִּיּוֹת. נו קוֹלִי שָׁמָעְתָּ אַל-תַּעְלֵם אָזְנְךָ לְרַוְחָתִי לְשַׁוְעָתִי. נז קָרַבְתָּ בְּיוֹם אֶקְרָאֶךָּ אָמַרְתָּ אַל-תִּירָא. {ס} נח רַבְתָּ ה' רִיבֵי נַפְשִׁי גָּאַלְתָּ חַיָּי. נט רָאִיתָה ה' עַוָּתָתִי שָׁפְטָה מִשְׁפָּטִי. ס רָאִיתָה כָּל-נִקְמָתָם כָּל-מַחְשְׁבֹתָם לִי. {ס} סא שָׁמַעְתָּ חֶרְפָּתָם ה' כָּל-מַחְשְׁבֹתָם עָלָי. סב שִׂפְתֵי קָמַי וְהֶגְיוֹנָם עָלַי כָּל-הַיּוֹם. סג שִׁבְתָּם וְקִימָתָם הַבִּיטָה אֲנִי מַנְגִּינָתָם. {ס} סד תָּשִׁיב לָהֶם גְּמוּל ה' כְּמַעֲשֵׂה יְדֵיהֶם. סה תִּתֵּן לָהֶם מְגִנַּת-לֵב תַּאֲלָתְךָ לָהֶם. סו תִּרְדֹּף בְּאַף וְתַשְׁמִידֵם מִתַּחַת שְׁמֵי ה'.

א הַאֲזִינוּ הַשָּׁמַיִם וַאֲדַבֵּרָה {ס} וְתִשְׁמַע הָאָרֶץ אִמְרֵי-פִי. {ר}ב יַעֲרֹף כַּמָּטָר לִקְחִי {ס} תִּזַּל כַּטַּל אִמְרָתִי {ר}כִּשְׂעִירִם עֲלֵי-דֶשֶׁא {ס} וְכִרְבִיבִים עֲלֵי-עֵשֶׂב. {ר}ג כִּי שֵׁם ה' אֶקְרָא {ס} הָבוּ גֹדֶל לֵאלֹהֵינוּ. {ר}ד הַצּוּר תָּמִים פָּעֳלוֹ {ס} כִּי כָל-דְּרָכָיו מִשְׁפָּט {ר}אֵל אֱמוּנָה וְאֵין עָוֶל {ס} צַדִּיק וְיָשָׁר הוּא. {ר}ה שִׁחֵת לוֹ לֹא בָּנָיו מוּמָם {ס} דּוֹר עִקֵּשׁ וּפְתַלְתֹּל. {ר}ו הַ לְה' תִּגְמְלוּ-זֹאת {ס} עַם נָבָל וְלֹא חָכָם {ר}הֲלוֹא-הוּא אָבִיךָ קָּנֶךָ {ס} הוּא עָשְׂךָ וַיְכֹנְנֶךָ. {ר}ז זְכֹר יְמוֹת עוֹלָם בִּינוּ שְׁנוֹת דֹּר-וָדֹר {ס} שְׁאַל אָבִיךָ וְיַגֵּדְךָ זְקֵנֶיךָ וְיֹאמְרוּ לָךְ. {ר}ח בְּהַנְחֵל עֶלְיוֹן גּוֹיִם {ס} בְּהַפְרִידוֹ בְּנֵי אָדָם {ר}יַצֵּב גְּבֻלֹת עַמִּים {ס} לְמִסְפַּר בְּנֵי יִשְׂרָאֵל. {ר}ט כִּי חֵלֶק ה' עַמּוֹ {ס} יַעֲקֹב חֶבֶל נַחֲלָתוֹ. {ר}י יִמְצָאֵהוּ בְּאֶרֶץ מִדְבָּר {ס} וּבְתֹהוּ יְלֵל יְשִׁמֹן {ר} יְסֹבְבֶנְהוּ יְבוֹנְנֵהוּ {ס} יִצְּרֶנְהוּ כְּאִישׁוֹן עֵינוֹ. {ר} יא כְּנֶשֶׁר יָעִיר קִנּוֹ עַל-גּוֹזָלָיו יְרַחֵף {ס} יִפְרֹשׂ כְּנָפָיו יִקָּחֵהוּ יִשָּׂאֵהוּ עַל-אֶבְרָתוֹ. {ר} יב ה' בָּדָד יַנְחֶנּוּ {ס} וְאֵין עִמּוֹ אֵל נֵכָר. {ר} יג יַרְכִּבֵהוּ עַל-במותי (בָּמֳתֵי) אָרֶץ {ס} וַיֹּאכַל תְּנוּבֹת שָׂדָי {ר} וַיֵּנִקֵהוּ דְבַשׁ מִסֶּלַע {ס} וְשֶׁמֶן מֵחַלְמִישׁ צוּר. {ר} יד חֶמְאַת בָּקָר וַחֲלֵב צֹאן {ס} עִם-חֵלֶב כָּרִים וְאֵילִים {ר} בְּנֵי-בָשָׁן וְעַתּוּדִים {ס} עִם-חֵלֶב כִּלְיוֹת חִטָּה {ר} וְדַם-עֵנָב תִּשְׁתֶּה-חָמֶר. {ס} טו וַיִּשְׁמַן יְשֻׁרוּן וַיִּבְעָט {ר} שָׁמַנְתָּ עָבִיתָ כָּשִׂיתָ {ס} וַיִּטֹּשׁ אֱלוֹהַּ עָשָׂהוּ {ר} וַיְנַבֵּל צוּר יְשֻׁעָתוֹ. {ס} טז יַקְנִאֻהוּ בְּזָרִים {ר} בְּתוֹעֵבֹת יַכְעִיסֻהוּ. {ס} יז יִזְבְּחוּ לַשֵּׁדִים לֹא אֱלֹהַּ {ר} אֱלֹהִים לֹא יְדָעוּם {ס} חֲדָשִׁים מִקָּרֹב בָּאוּ {ר} לֹא שְׂעָרוּם אֲבֹתֵיכֶם. {ס} יח צוּר יְלָדְךָ תֶּשִׁי {ר} וַתִּשְׁכַּח אֵל מְחֹלְלֶךָ. {ס} יט וַיַּרְא ה' וַיִּנְאָץ {ר} מִכַּעַס בָּנָיו וּבְנֹתָיו. {ס} כ וַיֹּאמֶר אַסְתִּירָה פָנַי מֵהֶם {ר} אֶרְאֶה מָה אַחֲרִיתָם {ס} כִּי דוֹר תַּהְפֻּכֹת הֵמָּה {ר} בָּנִים לֹא-אֵמֻן בָּם. {ס} כא הֵם קִנְאוּנִי בְלֹא-אֵל {ר} כִּעֲסוּנִי בְּהַבְלֵיהֶם {ס} וַאֲנִי אַקְנִיאֵם בְּלֹא-עָם {ר} בְּגוֹי נָבָל אַכְעִיסֵם. {ס} כב כִּי-אֵשׁ קָדְחָה בְאַפִּי {ר} וַתִּיקַד עַד-שְׁאוֹל תַּחְתִּית {ס} וַתֹּאכַל אֶרֶץ וִיבֻלָהּ {ר} וַתְּלַהֵט מוֹסְדֵי הָרִים. {ס} כג אַסְפֶּה עָלֵימוֹ רָעוֹת {ר} חִצַּי אֲכַלֶּה-בָּם. {ס} כד מְזֵי רָעָב וּלְחֻמֵי רֶשֶׁף {ר} וְקֶטֶב מְרִירִי {ס} וְשֶׁן-בְּהֵמֹת אֲשַׁלַּח-בָּם {ר} עִם-חֲמַת זֹחֲלֵי עָפָר. {ס} כה מִחוּץ תְּשַׁכֶּל-חֶרֶב וּמֵחֲדָרִים אֵימָה גַּם-בָּחוּר {ר} גַּם-בְּתוּלָה יוֹנֵק עִם-אִישׁ שֵׂיבָה. {ס} כו אָמַרְתִּי אַפְאֵיהֶם {ר} אַשְׁבִּיתָה מֵאֱנוֹשׁ זִכְרָם. {ס} כז לוּלֵי כַּעַס אוֹיֵב אָגוּר {ר} פֶּן-יְנַכְּרוּ צָרֵימוֹ {ס} פֶּן-יֹאמְרוּ יָדֵנוּ רָמָה {ר} וְלֹא ה' פָּעַל כָּל-זֹאת. {ס} כח כִּי-גוֹי אֹבַד עֵצוֹת הֵמָּה {ר} וְאֵין בָּהֶם תְּבוּנָה. {ס} כט לוּ חָכְמוּ יַשְׂכִּילוּ זֹאת {ר} יָבִינוּ לְאַחֲרִיתָם. {ס} ל אֵיכָה יִרְדֹּף אֶחָד אֶלֶף {ר} וּשְׁנַיִם יָנִיסוּ רְבָבָה {ס} אִם-לֹא כִּי-צוּרָם מְכָרָם {ר} וַה' הִסְגִּירָם. {ס} לא כִּי לֹא כְצוּרֵנוּ צוּרָם {ר} וְאֹיְבֵינוּ פְּלִילִים. {ס} לב כִּי-מִגֶּפֶן סְדֹם גַּפְנָם {ר} וּמִשַּׁדְמֹת עֲמֹרָה {ס} עֲנָבֵמוֹ עִנְּבֵי-רוֹשׁ {ר} אַשְׁכְּלֹת מְרֹרֹת לָמוֹ. {ס} לג חֲמַת תַּנִּינִם יֵינָם {ר} וְרֹאשׁ פְּתָנִים אַכְזָר. {ס} לד הֲלֹא-הוּא כָּמֻס עִמָּדִי {ר} חָתוּם בְּאוֹצְרֹתָי. {ס} לה לִי נָקָם וְשִׁלֵּם {ר} לְעֵת תָּמוּט רַגְלָם {ס} כִּי קָרוֹב יוֹם אֵידָם {ר} וְחָשׁ עֲתִדֹת לָמוֹ. {ס} לו כִּי-יָדִין ה' עַמּוֹ {ר} וְעַל-עֲבָדָיו יִתְנֶחָם {ס} כִּי יִרְאֶה כִּי-אָזְלַת יָד {ר} וְאֶפֶס עָצוּר וְעָזוּב. {ס} לז וְאָמַר אֵי אֱלֹהֵימוֹ {ר} צוּר חָסָיוּ בוֹ. {ס} לח אֲשֶׁר חֵלֶב זְבָחֵימוֹ יֹאכֵלוּ {ר} יִשְׁתּוּ יֵין נְסִיכָם {ס} יָקוּמוּ וְיַעְזְרֻכֶם {ר} יְהִי עֲלֵיכֶם סִתְרָה. {ס} לט רְאוּ עַתָּה כִּי אֲנִי אֲנִי הוּא {ר} וְאֵין אֱלֹהִים עִמָּדִי {ס} אֲנִי אָמִית וַאֲחַיֶּה {ר} מָחַצְתִּי וַאֲנִי אֶרְפָּא {ס} וְאֵין מִיָּדִי מַצִּיל. {ר} מ כִּי-אֶשָּׂא אֶל-שָׁמַיִם יָדִי {ס} וְאָמַרְתִּי חַי אָנֹכִי לְעֹלָם. {ר} מא אִם-שַׁנּוֹתִי בְּרַק חַרְבִּי {ס} וְתֹאחֵז בְּמִשְׁפָּט יָדִי {ר} אָשִׁיב נָקָם לְצָרָי {ס} וְלִמְשַׂנְאַי אֲשַׁלֵּם. {ר} מב אַשְׁכִּיר חִצַּי מִדָּם {ס} וְחַרְבִּי תֹּאכַל בָּשָׂר {ר} מִדַּם חָלָל וְשִׁבְיָה {ס} מֵרֹאשׁ פַּרְעוֹת אוֹיֵב. {ר} מג הַרְנִינוּ גוֹיִם עַמּוֹ {ס} כִּי דַם-עֲבָדָיו יִקּוֹם {ר} וְנָקָם יָשִׁיב לְצָרָיו {ס} וְכִפֶּר אַדְמָתוֹ עַמּוֹ. {ר}

הנה המלים:----------------------- אוי כי ירד אש מן השמים לירושלים / עיני עיני יורדה מים // טירת קודש איך נשמה / יושב בשמים עד מה / בת מלך אמה / הקדשה היא בעיניים // ירח אב בו שמשי קדר / אהרן הכהן בו נעדר / וגם עיר ההדר / בו חרבה פעם ושתים // מרה הלילה הזה ארים / ויהי לבכי ליל שימורים / ואותי החרים / אל מוציאם ממצרים

בבית הכנסת "פועלי צדק" שבבית דגן נוהגים לקרוא את הקינה בערבית, הקרויה "קֻצַּّתּ חַנָּה", מדי שנה בשנה בליל תשעה באב. בהקלטה זו משתתפים נציגים מוותיקי המתפללים של בית הכנסת במטרה לשמר את מסורת קריאת הקינה ולהנחילה לכלל ישראל ובמיוחד לקהילות יהדות תימן. שמות ששת החברים, אשר ביצעו הקלטה זו על שני חלקיה הם: יששכר הִבֵּהּ, ציון הִבֵּהּ, ד"ר אורי מלמד, יצחק נהארי, שמואל עראקי הכהן ונועם ערוסי הלוי.